CLXXVII.

1341, August 5. Neisse.

Der Pfarrer von Hemmersdorf wird beauftragt, den Bruder Seidelmann von Kamenz als Pfarrer in Frankenstein einzuführen.

Heinricus de Baruth prepositus et Apeczco scolasticus ecclesie Wratislaviensis administratores in spiritualibus eiusdem ecclesie Wratislaviensis nunc vacantis discreto viro domino . . rectori ecclesie in Heymericivilla salutem in domino. Quia fratrem Sidilmannum monasterii de Camencz ordinis Cisterciensis, exhibitorem presentium, de ecclesia in Frankinberg, vacante canonice per liberam resignationem fratris Pauli eiusdem ordinis, quondam rectoris ipsius, ad presentationem religiosorum dominorum Syghardi abbatis et conventus dicti monasterii in Camencz per capucium, ut moris est, curavimus investire, committentes sibi in ibi curam spiritualium et temporalium ac regimen animarum, unde vobis committimus per presentes, quatenus eundem Sidilmannum in corporalem possessionem eiusdem ecclesie nostra auctoritate inducatis et defendatis, inductum facientes sibi de omnibus redditibus et iuribus ipsius ecclesie integre responderi, man­dantes plebizanis ibidem, ut sibi tamquam eorum vero plebano in omnibus obediant et intendant. Datum Nise Nonis Augusti anno domini M°. CCC° XL primo.

Inseriert in der Urkunde Bischofs Preczlaw von 1347, März 3.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.